ఆర్జీవి చెప్పేది కూడా కాస్త వినండయ్యా…..

రాంగోపాల్ వర్మ పేరు వినగానే మెగా అభిమానులు మండిపడతారు. మిగతా వాళ్లు ఏం కాంట్రవర్సీ చేస్తాడో అని ఆసక్తిగా చూస్తారు. కొత్త టెక్నాలజీ రాగానే దాన్ని ఉపయోగించి ఎలా లాభం పొందుదామా అనే ఆలోచించే వ్యక్తి రాంగోపాల్ వర్మ…. ఆ మధ్య వర్మకు ఓ ఐడియా వచ్చింది...ఆ తర్వాత దాన్ని ఆయన ఇంప్లిమెంట్ చేయలేదనుకోండి…. అయినా ఆ ఐడియా కొంతమంది చిన్న దర్శక, నిర్మాతలకు ఉపయోగపడచ్చు అని సినిమా రిపోర్టర్  మళ్లీ గుర్తుచేస్తోంది.అప్పట్లో రాంగోపాల్ వర్మ ఐస్ క్రీమ్ సినిమా తియ్యడానికయిన ఖర్చు 2 లక్షల 11 వేల 8 వందల 32 రూపాయిలు. ఖర్చయ్యింది అని ఒక లేఖను విడుదల చేశారు. అందులో నుంచి మనకు ఉపయోగపడే ఇన్ఫర్మేషన్ మాత్రమే నోట్ చేసి మీకందిస్తున్నాం. ఐస్ క్రీం తయారీ వెనకాల వున్న మెలుకువలని అర్ధం చేసుకుంటే ప్రస్తుతమున్న ఫిల్మ్ ఇండస్ట్రీ స్ట్రక్చర్ కొలాప్స్ అయిపోయి ఒక సరికొత్త ఫిల్మ్ ఇండస్ట్రీ పుడుతుంది. అది ఎందుకంటే సినిమా ఇండస్ట్రీ ఎకనామిక్స్ మొత్తం, ఆడియన్స్ ని గ్రిప్ చేసే కంటెంటు, దాన్ని తెరపైకెక్కించటానికి పెట్టే ఖర్చు మీద డిపెండ్ అవుతాయి. కంటెంట్ అనేది పది కోట్లు ఖర్చు పెట్టినా బోర్ కొట్టచ్చు... కోటి రూపాయలుతో తీసినా ఇంట్రెస్టింగా ఉండచ్చు. ఖర్చు పెట్టినంత మాత్రాన కంటెంట్ ఇంట్రెస్టింగా ఉండాలన్న రూల్ లేదని కొన్ని వందల ఫ్లాప్ లు రుజువు చేశాయి. ఐస్ క్రీం మొత్తం కాస్ట్ ఆఫ్ ప్రొడక్షన్ 2 లక్షల 11 వేల 8 వందల 32 రూపాయిలు.. అది ఎలాగో మీకిప్పుడు చెప్తాను. సినిమా అనేది కథ, పెర్ఫార్మన్సైస్ టేకింగ్, సౌండ్, కెమెరా, మ్యూజిక్ ల సమ్మేళనం. ఆ సమ్మేళనం సాధించడానికి యాక్టర్లు, టెక్నీషియన్లతో పాటు వివిధ రకాల ఎక్విప్మెంట్లు అవసరమవుతాయి. సినిమాకి ఖర్చు అనేది యాక్టర్లకి టెక్నీషియన్లకి పేమెంట్ల మూలాన, ఎక్విప్మెంట్లకి లొకేషన్లకి వగైరాలకి ఇచ్చిన రెంట్ల మూలాన...నేను సినిమా మొదట్లోనే యాక్టర్లు, టెక్నీషియన్లు, ఎక్విప్మెంట్ సప్లయర్లు, వగైరా అందరితో మీటింగ్ పెట్టి “మీకు సినిమా ఆడుతుందని నమ్మకం లేకుండా కేవలం మీకు దొరికే పేమెంట్ కోసం చేస్తున్నారా? లేక మీకు కాన్సెప్ట్ నచ్చి ఆడుతుందనే నమ్మకంతో చేస్తున్నారా?” అని అడిగాను.. దానికి అందరూ నమ్మకంతోనే అని చెప్పారు. అప్పుడు నేను వాళ్ల పేమెంట్లు ..సినిమా హిట్ అయితేనే వస్తాయని చెప్పాను. ఒప్పుకోని వాళ్ళని వొదిలేసి దీనికి అంగీకరించిన వాళ్లని వెతికి పెట్టుకోవటం జరిగింది. నేను వాళ్ళందరికీ చెప్పిందేంటంటే వాళ్లు మామూలుగా ఏంత ఛార్జ్ చేస్తారో దానికన్నా ఎక్కువ ఇస్తామని. కానీ ఆ పేమెంట్ లాభాలనుంచి వస్తుంది. అంతే కాని కాస్ట్ ఆఫ్ ప్రొడక్షన్ నుంచి కాదు. సినిమాకి లాభమొచ్చిందంటే వాళ్లు చేసిన పని సఫలమయిందని. ఫెయిల్ అయ్యిందంటే వాళ్ల పని విఫలమయిందని. అలా అయితే వాళ్ల వల్ల విఫలమైన , పనులకి వాళ్ల జేబుల్లోకి డబ్బులెల్లి, వాళ్ల పనితనాన్ని నమ్మిన ప్రొడ్యూసర్ కి,కొన్న డిస్ట్రిబ్యూటర్ కి మాత్రమే నష్టం ఎందుకు రావాలన్న కాన్సెప్ట్ లోనుంచి వచ్చిందీ  thought process. ఐస్ క్రీం సినిమాలో లైట్లు, ట్రాక్ ట్రాలీలు, జిమ్మీ జిబ్ లు, స్టడీ క్యాంలు ఏమీవాడలేదు. 70% సినిమా గింబల్ అనే పరికరంతో తియ్యడం జరిగింది. అందుకే ఐస్ క్రీమ్ విజువల్స్ అంత కొత్తగా ఉన్నాయి. ఇంకా ఫ్లో-క్యాం పద్ధతిలో సినిమా తియ్యడం మూలాన యూనిట్ లో పని చేసే వాళ్లు సంఖ్య రెగ్యులర్ సినిమా కన్నా 90 శాతం తగ్గిపోయింది. షూటింగప్పుడు అందరూ బ్రేక్ఫాస్ట్ ఇంట్లోనే తినేసివచ్చేవాళ్లు. లంచ్ ఎవరికి వాళ్లు వాళ్లే తెచ్చుకునేవాళ్లు. నవదీప్, తేజస్విలు సినిమాకోసం వేసుకున్న బట్టలు వాళ్ల సొంత బట్టలు. స్టార్లు, పాటలు, ఫైట్లు, కామెడీ లాంటి కమర్షియల్ ఎలిమెంట్స్ ఏమీ లేకుండా ఒకే ఒక్క లొకేషన్లో ఇద్దరే ఇద్దరు యాక్టర్లతో తీసిన ఐస్ క్రీంకి ఇంత సూపర్ ఓపెనింగ్స్ ఎందుకొచ్చాయి అనే ప్రశ్నకి ఒకరిచ్చిన సమాధానం రాం గోపాల్ వర్మ పేరుండడం అని. కానీ అది కరెక్ట్ కాదు. ఎందుకంటే నా పేరుతోనే ఓపెనింగ్ వస్తే మరి సత్య 2 ఎందుకురాలేదు. ? అసలు కారణం చాలా సింపుల్. వాళ్లకి సత్య 2 ట్రైలర్లు, దానికి సంబంధించిన ప్రచారం నచ్చలేదు, ఐస్ క్రీంవి నచ్చాయి.... కానీ అన్నిటికన్నా ముఖ్యంగా ఐస్ క్రీంకి వచ్చిన ఓపెనింగ్ ఏం ప్రూవ్ చేసిందంటే ఆడియన్స్ ని థియేటర్లోకి అట్రాక్ట్ చెయ్యడానికి ప్రొడక్షన్ వాల్యూస్ అవసరం లేదని... కేవలం ఒక ఇంట్రెస్టింగ్ ఐడియా చాలని... పైసా ఖర్చులేనిది ఐడియా మాత్రమే. నేను చెప్పేదానికి చివరర్గం ఏమిటంటే ఐడియా ఉన్నవాడెవ్వడైనా సరే ఆ ఐడియాతో మిగతా వాళ్ళని కన్విన్స్ చెయ్యగలిగితే ఒక్క పైసా కూడా ఖర్చు లేకుండా సినిమా తీసేయ్యొచ్చు. నేను పైన చెప్పిన 2 లక్షల 11 వేల 8 వందల 32 రూపాయల ఖర్చు ముఖ్యంగా ఆ ఇంటి రెంట్ కి, టీలకి, కాఫీలకి అయ్యింది. ఆ ఇంటి ఓనర్ సినిమా టీం లో భాగం కాదు కనక ఆ రెంట్ ఖర్పు తప్పలేదు. కానీ గుడ్ న్యూస్ ఏంటంటే నేను ఐస్ క్రీం లో ఆ ఇంటిని ప్రెజెంట్ చేసిన విధానం నచ్చి లొకేషన్ ఓనర్ ఐస్ క్రీం 2 సినిమా టీంలో తను కూడా భాగమవ్వడానికి ఒప్పుకున్నారు... ఇండస్ట్రీ ఇలాంటి ఒక కొత్త మలుపు తిరుగుతున్న సందర్భంలో మీరందరూ రావాలని నా రిక్వెస్ట్. ఐస్ క్రీం ఎలా తయారయ్యిందో ఒక సహకార సంఘం దృష్టితో అర్ధం చేసుకుంటే ఒక సరికొత్త ఫిల్మ్ ఇండస్ట్రీ హైదరాబాద్ లోనే కాదు ఆంధ్రప్రదేశ్, తెలంగాణాలో ఉన్న ప్రతీ ఊర్లో పుడుతుంది. అని ఆ మధ్య చెప్పారు….